साफ महिला च्याम्पियनसिप फुटबलको फाइनल खेलका लागि टिकट बिक्री अस्थायी रूपमा स्थगित
October 29, 2024 Filed under Halkhabar Online
अखिल नेपाल फुटबल सङ्घ (एन्फा) ले साफ महिला च्याम्पियनसिप फुटबलको फाइनल खेलका लागि टिकट बिक्री अस्थायी रूपमा स्थगित गरेको छ। आयोजक नेपाल र बंगलादेशबिचको फाइनल खेल बुधबार साँझ त्रिपुरेश्वरको दशरथ स्टेडियममा हुने भएको छ।
एन्फाका अनुसार फाइनल खेलका लागि टिकट बिक्री अर्को सूचना नआउन्जेलसम्म स्थगित गरिएको छ। आइतबार साँझ नेपाल र भारतबिचको सेमिफाइनल खेल हेर्न आएका दर्शकको सङ्ख्या स्टेडियमको क्षमताभन्दा बढी पाइएको ले खेलाडी तथा दर्शकको सुरक्षाका लागि टिकट बिक्री केही समयका लागि स्थगित गरिएको छ।
माउन्ट एभरेस्ट स्पोर्ट्स एण्ड इभेन्ट्स प्रा। लिमिटेडलाई साफ प्रतियोगिताको टिकट बेच्नका लागि अधिकृत गरिएको छ । एन्फाले यस विषयमा अनुसन्धान सुरु गरेको छ।
आज एक प्रेस विज्ञप्तिमार्फत एन्फाले यस विषयमा अर्को सूचना नआउन्जेल फाइनलका लागि टिकट खरिद नगर्न सम्बन्धित सबैलाई अपिल गरेको छ।