इन्टरनेट सेवा प्रदायक सङ्घ नेपाल (आइस्पान) ले आगामी असोज १९ गते सोमबारदेखि सस्तो मूल्य र कम स्पिडका इन्टरनेट प्याकेजहरू बन्द गर्ने निर्णय गरेको छ ।
आइस्पानले एक प्रेस विज्ञप्ति जारी गर्दै यसबारे जानकारी गराएको हो । आइस्पानका अनुसार विगतका वर्षहरूमा भएको मूल्यवृद्धि, फाइबरको मूल्यमा भएको भारी वृद्धि, अत्याधिक मुद्रास्फीति तथा एआई को तीव्र विकासले गर्दा चिपसेट लगायतका उपकरण को मूल्य ह्वात्तै बढेको छ । जसका कारण इन्टरनेट सेवा प्रदायक हरूको सञ्चालन खर्च धान्न गाह्रो परेकाले पुराना सुलभ मूल्य र कम स्पिडका प्याकेजहरू निरन्तरता दिन असमर्थ भएको जनाएको छ ।
असोज १९ गते सोमबारदेखि सुलभ मूल्य र कम स्पिडका इन्टरनेट प्याकेजहरू उपलब्ध नहुने समेत जारी बिज्ञप्ति मा जनाईएको छ।
इन्टेरनेट शेवा प्रदायक हरूलाई गुणस्तरीय सेवा प्रदान गर्न, नेपाल दूरसञ्चार प्राधिकरणबाट स्वीकृत रेट अनुसार वेबसाइटमा दररेट राख्न र ग्राहकहरूलाई अनिवार्य रूपमा भ्याट बिल लिन समेत अनुरोध गरिएको छ।
आइस्पानका अध्यक्ष सुधीर पराजुलीद्वारा हस्ताक्षरित उक्त विज्ञप्तिमा यस विषम परिस्थितिमा सहयोग गर्न ग्राहकवर्ग तथा सरोकारवालाहरूसँग आग्रह गरिएको छ।