रिपोर्टर्स क्लब नेपालमा आयोजित साक्षात्कार कार्यक्रममा गैरआवासीय नेपाली संघ (एनआरएनए) का पदाधिकारीहरूले विपद् प्रभावित क्षेत्रमा राहत तथा पुनर्स्थापनाका कामहरू निरन्तर भइरहेको जनाएका छन्। बाढी प्रभावित क्षेत्रमा हाल खाद्यान्न, स्वास्थ्य सेवा र अत्यावश्यक सामग्री वितरण भइरहेको जानकारी गराउँदै उहाँहरूले दीर्घकालीन पुनर्निर्माणका लागि गैरआवासीय नेपालीहरूको ज्ञान, सीप, पुँजी र प्रविधिलाई सरकारसँगको समन्वयमा परिचालन गरिने बताउनुभयो।
एनआरएनएका महासचिव डा. चिरञ्जीवी खड्का, उपाध्यक्ष रोजिना प्रधान राई, महिला उपाध्यक्ष राधिका गुरुङ (टिका) र सहकोषाध्यक्ष गंगा खतिवडालगायतका पदाधिकारीहरूको उपस्थिति रहेको सो कार्यक्रममा संघले देशमा पर्ने हरेक विपद्मा एकजुट भई प्रभावकारी भूमिका निर्वाह गरिरहने प्रतिबद्धता व्यक्त गरेको छ।